Sumarlokun Rauðaborgar 2021 verður 12. júlí - 9. ágúst, báðir dagar meðtaldir.

Sumarlokun leikskólans sumarið 2020 

Lokað verður frá 8. júlí - 5. ágúst og síðasti dagur fyrir frí er 7. júlí og við opnum aftur fimmtudaginn 6. ágúst. 

Leikskólarnir Blásalir, Heiðarborg og Rauðaborg ásamt Selásskóla fengu Hvatningarverðlaun skóla- og frístundaráðs sem afhent voru í Ráðhúsinu á Stóra leikskóladeginum. Markmið verðlaunanna er að vekja athygli á því gróskumikla skóla- og frístundastarfi sem fram fer í Reykjavík.

Verðlaunin eiga að veita starfsfólki jákvæða hvatningu og stuðla að nýbreytni- og þróunarstarfi.

Verðlaunin eru rós í hnappagat starfsins sem þau hlýtur, þau eru viðurkenning fyrir vel unnin verk í þágu barna og staðfesting þess að starfið sé fyrirmynd annarra á því sviði sem um ræðir.

Verðlaunin voru veitt fyrir samstarfsverkefnið Heimahagar.

Þann 16., 17 og 18. febrúar síðastliðinn komu til okkar tveir nemendur fráListaháskóla Íslands sem eru þar í námi í skapandi tónlistarmiðlun. Þeir heita Þráinn og Ása en Ása starfaði hér í Rauðaborg á síðastliðnu ári.

Þau hittu börn fædd ´10 sem eru 20 talsins og unnu með þeim tónlistarverkefni sem fólst í því að semja bæði lag og teksta. Í lokin voru svo haldnir tónleikar fyrir börn og starfsfólk leikskólans.

Þetta tókst í alla staði mjög vel og voru allir yfir sig glaðir með ferlið og árangurinn.

Tekstinn var unninn upp úr myndum sem börnin völdu sér:

Bílar að keyra upp á eldfjall

hestarnir eru í röð

þessi lögga er að benda á mig

"afhverju ertu í gulum sundbol"

Ég er að fara að synda

sundlaugarstjarnan

ég sé krakka spila

diskótrommu djamma

amma fer að djamma

Þau sitja kyrr til að taka mynd

ein stelpa hleypur burt

sumir kíkja niður og aðrir upp

sjáðu ég er að leika.

Bolti gulur ýta

stelpa níu ára

Jón Jónsson að syngja

bara 22ja

Chewbacca í starwars.

Þann 24. sept. fór fram vígsluathöfn í Heimahögunum okkar. Börn fædd ´10 í Rauðaborg, Blásölum og Heiðarborg ásamt börnum í 1 bekk Selásskóla komu saman og í Heimahögunum kl. 11:00 og sungu saman nokkur lög sem þau hafa verið að læra. Farið var yfir samstarfið í vetur og rifjaðar upp umgengnisreglur um staðinn.

Heimahagar eru sameiginlegt grendarsvæði og  samstarfsverkefni leikskólanna í Seláshverfi og Seláskóla. Stýrihópur var stofnaður en í honum sitja kennari og foreldri frá hverjum skóla ásamt verkefnisstjóra sem er Helena Westhöfer Óladóttir frá SFS. Sótt var um þróunarstyrk hjá Sprotasjóði til verkefnisins sem við fengum.

Markmið með verkefninu er m.a. að ná samfellu í sameiginlegt starf sem snýr að umhverfi og náttúru hverfisins.
Haft er að leiðarljósi að samstarfið feli í sér að skólastigin geti haft stuðning hvert af öðru og lært hvert af öðru, án þess að hefta sjálfstæði hvers skóla.